الوظيفه ...!

السلام عليكم جميعا.. اول شي اسمحولي في هالموظوع يمكن يكون شوي فيه من السياسه لكنه مهم وهو الوظايف . من يومين قرأت في احدى الصحف المحليه موظوع وايد مثير وينرفز وهو ان ادارة الكهرباء اصدرت اعلان في الاردن بوجود وظايف في البحرين ( محاسبين ) انا اشوف ان هذا تلاعب بمشاعر المواطنين وبحقوقهم يعني معقلوه البحرين مافيها خرجين جامعيين في مجال المحاسبه ؟ ماكتبت هالموظوع الا لاني غيور على بلدي وخيراته وان قلبي مع اخوتي واخواتي الخرجين اللي صار لهم سنين ينتظرون وظيفه تعيلهم . والموظوع الثاني طلعت الفضيحه من مستشفى السلمانيه بعد نفس الموظوع اعلان في الاردن بوجود وطايف في البحرين ( مسعفين ) عيل وين اللي تخرجو من الكليات واللي درسو برا البحرين تغربو لجل هالوظيفه والمفاجأه انه يرجع الى بلده يلقى غيره اجنبي ماخذ رزقه ومكانه في الوظيفه اللي يستحقها.!!! واسمحولي مره ثانيه على الموظوع يمكن صعب تثبيته في المنتدى ولكني شاكر لــ( نوري ) ولكم جميعا مع تحياتي \ المساااافر رااااح

والله بصراحه هو موضوع مهم وحساس وسيايس في نفس الوقت
يعني بصراحه ناس وايد خريجين من الجامعه وقاعدين بدون اشغال ليش وما ليه داعي يجيبون ناس من برى مدام المواطنين مؤهلين وعندهم الخبرات والشهادات اللي يبونها
المسافر تسلم على الموضوع الحلو والجميل وتقبل مروري البسيط من رومنسيه منسيه

الخبر قديم اخوي

سبق ونشروه في صحيفه الوفاق من عده اشهر

وشي مو غريب على الحكومه التمييزيه

واكثر الجامعيين صاروا يسافرون برا يترزقون الله او يشتغلون شغله ابو 250 دينااار يمشون حالهم

بس الله كريـــم واللي له رزق بياخذه انشاء الله

صحيح أكثر الجامعيين بدون اشغال حتى لو اشتغل يحصل مبلغ قليل رغم انه جامعي ومتعلم بس الله كريم والي الله كاتبه بصير (يمهل ولا يهمل)

(المسافر راح)

موضوع سياسي لكن في قمة الاهميه

سلمت يمناك

دمت بود

صباااح الورد ... مشكورين ياجماعة على مرمركم الطيب وعساكم على القوة ( نوري ) ( رومنسية ) ( ابو يوسف ) يسلمو

اي والله صادقين الحين المتخرجين من الجامعه مو لاقين وظايف ليهم ولاجانب الوظايف بارزه ليهم الله ايكون في عون المتخرجين من الجامعه الي مو لاقين ليهم وظايف اكيد احنا جاينه الدور

يسلمووووووو بنت الساده على مرورج . صار لج سنه وثلاثة ايم وثلاث ساعات وثلاث ثواني ماتشاركين في المنتدى

ههههههههههههههههههه سنه وثلاثة ايام وثلاث ساعات وثلاث ثواني بل وايد صار ليي اقل من شهر ماشارك في المنتدى لان كنت شوي مشغوله او ماعندي وقت ادخل المنتدى

يعطيج العافية خيووو ( بنت الساده ) وعلى الله ماتقطعين مره ثانيه وبعد ولا يهمج \ ثلاثين يوم وثلاثين ساعة وثلاثين ثانيه

ههههههههههههههه اي الحين صح