قصة ليلى والذئب (على طريقة العجايز)

بسم الله الرحمن الرحيم

هلا والله

شخباركم ؟

ان شاء الله زينين ..,

ما اطول عليكم

-------------------------------------

ليلى والذئب

زكية (ام ليلي):وينش يا خايبة النمرة .
ليلى:ويش تبين اماه.
زكية :تعالي اخدي هذه النغصة حق امش العوده.
ليلى :اوووووهووووكل مرة اني ابغي العب عطيه اخوي عباسووو يوديه .
زكية :ليلووووو ووجع يلا روحي بسرعة و لاتسمعين كلام احد غريب و احترسي من الجلاب و القطاوه الى صوب زرنوق بين جدتش .
ليلى: انزين عاد ويش الغدا اني جوعانه.
زكية :إحلا...موتاكلين غدا امش العوده في الطريق اياني وياش ترى الخيزرانه و الفرن الحامي بارزين .
ليلى :انزين عاد ما باكله و لا شي .
زكية :يلا بسرعة جان تخففين هالدبة .
راحت ليلى تمشي في الطريق و فجأة!!!
صفية:ويش ليلو ما بتلعبين ؟؟؟
ليلى: بلا صفيو بس بوصل غدا و باجي اوكي لا تلعبين ويه معصومه و ربعها اني ترى ما حاجيهم مخاصميني.
و مشت ليلى الى ان وصلت صوب زراعة بيت جدهو سمعت صوت الجلب و خافت و ركضت الى بيت جدتها بسرعة بسرعة .
ليلى :امي العوده امي هاشمية و ينش اماه و ينش .
الجدة : تعالي اني ركّبي عوروني من كثر المداور من عزيه الى عزيه و من بيت الى السوق تعبانه تعالي اني في الكرفاية(السرير).
ليلى:اماه بعد انتين ما تقعدين من كرنه الى كرنه .
الجدة:بعد ويش اسوي تعالي قربي صوبي ما اشوفش عدل تعالي يووووه ويش جايبه الغدا .
ليلى : يووه ويشفيهم عيونش حمران اكيد من شرب القدوو بعد خشمش منتفخ من كثر ما تحطين فيه تراكي من قلت الاماكن امبيييييه و بوزش واااااااجد عود اكيد من الضرب بالخمس ف يالعزايم من جدي ركبش يعورونش .
الجدة: ما عليه مدي ايدش ساعديني يا بتي .
ليلى: ويش فيها ايدش خشبه ما تحطين دوف او نيفيا و صايرة سودة من الشمس .
الجدة: قربي اكثر قربي بتي ويش فيش .
و جان تقفز عليها الجدة و ليلى تصرخو تصرخو تشردو تروح الديرهو تنادي يا ناس يااهل الفريق لحقوني لحقوني الجلب اكل جدتي اكلها ما خل فيها ولا شي حتى سورالها القيطان ابو كركوشة اكله لحقوني بسرعة بسرعة وراحو اهل الفريق الى بيت الجدة و شافو الجلب هناكعلى الكرفاية و يضربونه و يضربونه و بعدين يوم تمخمخ من الضرب ههههههه طلعت هذه الجدة تبغي تخوف ليلى علشان تعرف ان قصة ليلى و الذئب مو صج اشوه الجدة ما ماتت بين ايادي اهل الفريق .
الجدة:هذه اني ويش فيكم عورتوني موتوني ودوني الدختر بس مو السلمانية بموتوني زيادة ابغي اورح الدولي انزين .
ليلى: يووووه طلعت صج جدتي اماه العوده يعورش شي تكفين سامحيني لكن تستاهلين ما تجوزين من هل السوالف .
الجدة: ما خليتون فيي عظم صاحي .
ليلى : يووو حسبت الجلب صج اكلش مثل في قصة ليلى و الذئب الذئب ياكل الجدة مو اني اسمي ليلى و انتين جدتي و بدال الذئب جلب خب بعد ما في ذئب في البحرين

م
ن
ق
و
ل