مساء الورد لعيونكم .. انا بقول لكم موقف صادني ومادري وش اسميه محزن لو محرج !!! الموقف يقول كنت انا وصديق لي نتشرى في احد المجمعات وكنا مخلصين تقريبا وبعد خروجنا من آخر محل قلنا بنروح ( دورة المياه ) ولما اقتربنا سمعنا صوت بنت تصرخ والمنطقه اللي فيها دورة المياه بالذات ماكان فيها احد وتفاجأنا بولد ماسك يد البنت يبي يسحبها معاه الحمام !!!!!!!!!
وطبعاً من غيرتنا على بناتنا من غير تفاهم قمنا نضرب في الولد ضرب ولد خالت الموت وحتى البنت قامت تصارخ علينا بس خلوه لايموت وتم استدعاء حراس الامن في المجمع وبدورهم بلغو الشرطة ورحنا المركز وهناك تفاجأنا لما دخلنا على الضابط وكنا انا وصديقي واقفين والولد والبنت قاعدين ..
سألني الضابط ليش ضربتو الرجال قلت له لانه اعتدى على البنت وكان يبي يسحبها الحمام . ردت البنت لا ماصار هالشي ولا تطلع علي كلام وتسوي لي فضيحه !!!!!
قلت لها صلي على النبي يعني بالله عليج ليش بنضربه يعني من غير سبب متحججين مثلاً؟ !
قالت مادري عنكم وش سالفتكم وبعد التحقيق طلب منا الضابط انا نستسمح من الولد والبنت وقلت له اسمح لي انا ماغلطت على احد . ورد الضابط اذا ماتستسمحون منهم بتتوقفون اسبوع قلت لصديقي وش رايك في تغيير جو اسبوع ؟
قال لي خلاص نغير جو وقلنا للضابط مابنستسمح من احد لانا مو غلطانين واذا القانون يشوف انا غلطنا وقفنا أسبوع ورد الولد خلاص مابي عليهم شي متنازل عنهم قلنا له مالك حق علينا اصلاً ولا نبي تنازلك اخذه معاك ولما طلعو الولد والبنت بقينا ويا الضابط وقال لنا خلاص بمشيكم الحين بس لاتعيدونها !!! وش رايكم في رد البنت اللي بصراحه افحم وجوهنا ؟؟؟
تقبلوا تحياتي اخوكم
الـــمـــ{ر!!!ح }ـــ؛؛؛ـــافــــــر
موضوع: موقف محرج + محزن 
الإثنين أغسطس 25, 2008 2:40 am
